O proxecto parte da intención de traballar e crear a partir das preexistencias. O “que te atopas” e o “como o atopas” como punto de partida irrenunciable do traballo. Adaptamos á construción tradicional un programa de vivenda unifamiliar de dous dormitorios, un deles accesible, cun baño para cada unha. Para comunicar os niveis sen ter que saír ó exterior deseñamos un invernadoiro de vidro. Un “espazo extra” que cubre a escaleira. Unha oportunidade de conectar coa natureza. As fiestras verdeauga e os teitos amarelos son os preexistentes. O azul da cociña ven a complementalos. O lar segue no mesmo sitio e a cambota reusámola cunha campá integrada no oco. Co deseño chegamos a definir boa parte do mobiliario, cociña, baños, armarios, mesa de comedor e estruturas de camas. O resto ven doutra casa e sitúase nos lugares máis axeitados. Toda a iluminación busca potenciar as pezas máis destacadas como a cambota ous os lavabos de mármore reutilizados. Nos exteriores proxéctanse pavimentos de granito e xabre, drenantes e tradicionais. O hórreo que está diante da casa integrase de xeito visual. Pódese ver e desfrutar dende o salón e dende os dous dormitorios